Համացանց

Լրագրող Միքայել Յալանուզյանը ֆեյսբուքյան իր էջում գրել է. «Եվ այսպես՝ ԱՄՆ-ն գրավոր պատասխանեց Ռուսաստանին։ Պատասխանը չեն հրապարակում։ Ըստ ամերիկյան կողմի՝ դա նպաստելու է դիվանագիտական ջանքերը շարունակելուն։ Միաժամանակ, հույս ունեն առաջիկայում շարունակել բանակցությունները ռուսական կողմի հետ։
     Սթոլթենբերգը քիչ առաջ ասել է, որ ՆԱՏՕ-ն չի հրաժարվում բաց դռների քաղաքականությունից։ Ավելին, պարզ ասում է, որ Սև և Բալթիկ ծովերում մեծացնելու է իր ներկայությունը։
     Կարծես թե կողմերը դեռ դիվանագիտական ճանապարհով հարցերը կարգավորելու հույս ունեն։
     Մնացածը հետո կերևա։
     Մեդիան բավականին սրում է իրավիճակը (էս առանձին ուսումնասիրության թեմա է), բայց իրականում էլ ամեն ինչ շատ ավելի լուրջ է, քան կարող է թվալ։
     Մի խոսքով՝ մեզ և ձեզ համբերություն։ Ուզում էի գրել՝ աշխարհին խաղաղություն, բայց հետո մտածեցի, որ անլուրջ բաներ չարժե գրել»։