Խնդրում ենք սպասել...

Իրադարձություններ

Լարված իրավիճակ` Արարատի մարզի Մարմարաշեն գյուղում

16:18, կիրակի, 23 հունվարի, 2022 թ.
Լարված իրավիճակ` Արարատի մարզի Մարմարաշեն գյուղում

Արդեն մեկ ժամից ավելի է` լարված իրավիճակ է ստեղծվել Արարատի մարզում: Մարմարաշեն գյուղի բնակիչները՝ ի նշան բողոքի, փակել են ճանապարհը: Նրանց խոսքով` մինչև Տարածքային կառավարման և ենթակառուցվածքների նախարարն ու Արարատի մարզպետը չժամանեն, ճանապարհը չեն բացելու, հայտնում է ֆոտոլրագրող Գագիկ Շամշյանը: «Ստիպված ենք դիմում այս ծայրահեղ միջոցին, քանի որ չգիտես՝ որ պաշտոնյայի ուղեղով է անցել, որ մեր գյուղի քաղաքային տրանսպորտի հերն անիծի: Նախկինում գործում էր 2 տրանսպորտ, այդ թվում՝ թիվ 44 երթուղին: Հիմա հանել են դա և ոչ միայն մեր գյուղը, այլև մի քանի գյուղերի բնակիչներ հայտնվել են կոտրած տաշտակի առաջ: Մենք պահանջում ենք, որպեսզի վերականգնվի թիվ 44 երթուղին, հակառակ դեպքում՝ շարունակելու ենք ճանապարհը փակ պահել»,- ասում են գյուղացիները: Ժամանել են ոստիկանության Մասիսի բաժնի ծառայողներն ու ճանապարհային ոստիկանները:

5849 | 0
Facebook