Համացանց

«Քաղաքացու որոշում» ՍԴԿ անդամ Միքայել Նահապետյանի գրառումը. «Պետական տենդերների նկատմամբ մեծ հետաքրքրություն ցուցաբերող մերձկառավարական կազմակերպությունների աչքը լույս։
     Արդեն ահագին ժամանակ է, որ օրենսդրական բացերի օգտագործմամբ նրանք տենդերներ էին շահում` այլ կազմակերպությունների դուրս մղելով գործընթացից։ Դեպքեր կան, որ հաղթող կազմակերպությունը ինքնարժեքից ցածր գնով մասնակցել է մրցույթի, հաղթել ու հետո բանակցային փուլում գինը բարձրացրել։ Դուրս մնացած կազմակերպություններն էլ բողոքարկում էին գնման գործընթացը ու կամ հաջողում էին, կամ ոչ... բայց առավելապես` ոչ։
     Հիմա էդ մերձկառավարական կազմակերպությունների «ազիզ խաթր» բողոք քննող անձի ինստիտուտը հանում են ու թողնում են միայն դատական կարգով բողոքարկման տարբերակը։ Դե գնա՛ Պեպո, գետինը լիզե։
     Չգիտեմ գիտեք, թե չէ` մասսայական բիզնես են դնում ՔՊ-ական շրջանակի մարդիկ` կարող-անկարող, բութ ու խելացի... ով ասես։ Երևի մտածում են Աստված մի դուռ կբացի ու դրա համար «աստծու» մեծադիր նկարը մեխում են իրենց գլխավերևում»: