Խնդրում ենք սպասել...

Իրադարձություններ

«Բոլոր սահմաններն անցնում եք»․ Արմեն Գևորգյան

13:54, երեքշաբթի, 18 հունվարի, 2022 թ.
«Բոլոր սահմաններն անցնում եք»․ Արմեն Գևորգյան

Այսօր՝ Ռոբերտ Քոչարյանի և Արմեն Գևորգյանի գործով դատական նիստի ժամանակ, դատարանը մերժեց Գևորգյանի՝ Եվրոպայի խորհրդի վեհաժողովի նիստերին մասնակցելու համար երկրից բացակայելու վերաբերյալ միջնորդությունը՝ հայտարարելով, որ միջնորդության հիմնավորումը ծանրակշիռ չէ, և Գևորգյանը կարող է առցանց մասնակցել նիստերին։

«Ես արդեն սա գնահատաում եմ քաղաքական հետապնդման անհասկանալի դրսևորում, որովհետև ես ձեզ ներկայացնում եմ Ազգային ժողովում քննարկումների մասին տեղեկութուն, դուք ասում եք՝ որևէ տեղեկություն Գևորգյանը չի ներկայացրել»,- դիմելով դատավորին՝ ասաց նախկին փոխվարչապետ, այժմ պատգամավոր Արմեն Գևորգյանը։

«Ես անհապաղ տեղեկացնելու եմ այս իրադարձությունների մասին ԵԽ-ի վեհաժողովի ղեկավարությանը, որովհետև սա անթույլատրելի է, բոլոր սահմաններն անցնում եք, և եթե դուք, որպես դատարան, որոշել եք, որ ես առցանց մասնակցեմ Եվրոպայի խորհրդի վեհաժողովի նիստերին, ապա հաջորդ շաբաթ ես առցանց մասնակցելու եմ»,- նշեց Գևորգյանը։

7927 | 0
Facebook