Խնդրում ենք սպասել...

Համացանց

«Մեզ մորթել են դար առաջ, որովհետև մենք առևտրականի մտածելակերպ ենք ունեցել»․ Դ․ Գրիգորյան

23:18, երկուշաբթի, 17 հունվարի, 2022 թ.
«Մեզ մորթել են դար առաջ, որովհետև մենք առևտրականի մտածելակերպ ենք ունեցել»․ Դ․ Գրիգորյան

Հեռուստամեկնաբան, լրագրող Դավիթ Գրիգորյանի գրառումը․ «ՁԵԶ ԱՌՆԵԼՈՒ ԵՆ
     բարեկեցության խոստումներով։ Ասելու են, որ կուշտ կլինեք, եթե հարևան (թշնամիների) հետ առևտուր անեք։ Ասելու են, որ թուրքը գալու է Հայաստանում բուժվի, հանգիստն էլ Ջերմուկում է անցկացնելու։ Ձեզ համոզելու են, որ լավը ռեստորաններում թուրքական մենյու առաջարկելն է, որովհետև նոր ու մեծ շուկա է բացվում։ Որ պետք է սրահների վրա հայկական անուններից զատ նաև թուրքերեններն ավելացնել` թուրք տուրիստի համար ավելի հյուրընկալ լինելու համար։
     Մեզ ասելու են, որ խադավիկները պիտի թուրքերեն սովորեն, որովհետև հարևան թուրքերը շատ են մեր երկրով անցուդարձ անելու, մեքենա սարքելու։
     Մեզ պատմելու են, թե որքան կարևոր է մաս դառնալ թյուրքական աշխարհին, որովհետև դա ձեռնտու է։
     Մենք բուժելու, կերակրելու ու սպասարկելու ենք մեր ծնողներին, եղբայրներին ու զավակներին սպանողներին։
     Այսօր իշխանական ֆրակցիայի առևտրական պատգամավորի ճեպազրույցը լսելուց հետո հասկացա, որ իրենց թիմում ամեն ինչ արդեն որոշված է, քայլերի արդարացումները կան, պատճառաբանությունները ձևակորպված են, պլանն իրականացվում է։
     Մեզ մորթել են դար առաջ, որովհետև մենք առևտրականի մտածելակերպ ենք ունեցել, այլ արժեք չենք ճանաչել։ Մեր նյութն ավելի կարևոր է դարձել, քան ինքնությունը։ Մենք խեղդել էինք մեր քաղաքակրթական արժեքը լավ ապրուստի ու կուշտ լինելու կաթսայի մեջ։
     Հիմա գնում ենք նույն մահվան արահետով։
     Բարի ճանապարհ»։

2539 | 3
Facebook