«Արի գնա իմ տեղը մորս պատասխան տուր, կարա՞ս: Մի արեք էդ հրամանը, ձեր դեմ բան չունենք, վաղը մենք ենք իրար երես նայելու, մի՛ արեք»,- անհետ կորած զինծառայողների հարազատները հորդորում էին ԱԺ-ի մոտ իրենց բերման ենթարկող ոստիկաններին:
«Թողեք մտնենք, մեր հարցը տանք, թքենք վրեն, դուրս գանք»,- խնդրում էին նրանք ոստիկաններին:
Վերջինները բերման ենթարկեցին Ազատագրական շարժման անդամ Գևորգ Չախալյանին, անհետ կորած զինծառայողի հարազատ Արսեն Ղազարյանին և փողոցը փակած՝ մի խումբ այլ քաղաքացիների:
Ոստիկաններին թեպետ հաջողվեց բացել Բաղրամյան պողոտան, սակայն բողոքի ակցիայի մասնակիցներն այս պահին էլ փորձում են խոչընդոտել երթևեկությունը:
Նշենք, որ ԱԺ շենքի մոտ ոստիկանությունը մեծ ուժեր է կուտակել: