Իրադարձություններ

Այսօր խոշոր ավտովթար է տեղի ունեցել Երևանում, հայտնում է ֆոտոլրագրող Գագիկ Շամշյանը։ Ժամը 17։20-ի սահմաններում Իսակովի պողոտայում՝ ՀՀ ոստիկանության ակադեմիայի հարևանությամբ, բախվել են 33-ամյա Արա Ա-ի վարած Volvo մակնիշի ավտոմեքենան և 60-ամյա Ժորա Մ-ի վարած Վաղարշապատ-Երևան թիվ 205 երթուղին սպասարկող միկրոավտոբուսը։
     Վթարի հետևանքով 4 հոգի տարբեր աստիճանի մարմնական վնասվածքներով տեղափոխվել են Երևանի տարբեր հիվանդանոցներ։
     Բժիշկները տեղում առաջին բուժօգնությունն են ցուցաբերել նաև 8 քաղաքացու, որոնք հրաժարվել են հիվանդանոց տեղափոխվել։
     Ըստ նախնական տեղեկությունների՝ վթարի մեղավորը եղել է Volvo-ն, որը բախվել է ճանապարհի թույլատրելի հատվածով ընթացող միկրոավտոբուսին։