Խնդրում ենք սպասել...
Այսօր`  հինգշաբթի, 20 հունվարի, 2022 թ.
Օդնոկլասնիկի

Իրադարձություններ

«ՊՇՌ-ով մեզ թալանում են, ստերով՝ կոտորում». ակցիայի մասնակիցները պահանջում են նախարարին դուրս գալ և լսել իրենց

16:02, չորեքշաբթի, 01 դեկտեմբերի, 2021 թ.
«ՊՇՌ-ով մեզ թալանում են, ստերով՝ կոտորում». ակցիայի մասնակիցները պահանջում են նախարարին դուրս գալ և լսել իրենց

«1050 դրամանոց ՊՇՌ-ն հայ ազգի վրա 8-10 հազար դրամով իրացնողը թալանչի ա, հանցագործ ա», «ՊՇՌ-ով մեզ թալանում են, ստերով՝ կոտորում: Մենք գիտենք էդ թվերը իրանք ոնց են նկարում, գերշահույթ են հետապնդում... Սրանք ասում էին, որ պատվաստված մարդը թեթև ա տանում, իրենց թվերով՝ 23 մահ ա արձանագրվել ու սա իրանց համար թեթև ա»,- բողոքում էին Առողջապահության նախարարության դիմաց ակցիա իրականացնող քաղաքացիները:

Նկատելով պատուհանից իրենց նայող նախարարության աշխատակիցներին, ակցիայի մասնակիցները բղավեցին. «Ամո՛թ ձեզ, էդ որ դիմակը պարտադիր ա, էդ ինչի՞ եք առանց դիմակի»: Նրանք կոչ արեցին ոստիկաններին՝ տուգանել նրանց:

«Ինչպե՞ս կարող են մեր՝ թթվածին շնչելու իրավունքը արգելեն, իրենք չեն ուզում՝ թող չդնեն, մեզ հետ ի՞նչ գործ ունեք»,-ասում էին պարտադիր դիմակի դեմ բողոքող քաղաքացիները: Նրանք նշեցին, որ դեմ են պարտադիր պատվաստմանը, պարտադիր դիմակ կրելուն, վճարովի ՊՇՌ թեստավորմանը, սպառնալիքով աշխատողներին ազատելուն:

Ակցիայի մասնակիցները վաղը դարձյալ կհավաքվեն Առողջապահության նախարարության դիմաց: Նրանք կոչ արեցին նախարարի հրամաններից դժգոհ բոլոր քաղաքացիներին՝ մեկ մարդու պես գալ նշված վայր:

| | |
3307 | 0
Facebook