Խնդրում ենք սպասել...
Այսօր`  հինգշաբթի, 20 հունվարի, 2022 թ.
Վկոնտակտե

Թերթերի տեսություն

Իրական աշխատավարձերը նվազել են. «Ժողովուրդ»

09:36, չորեքշաբթի, 01 դեկտեմբերի, 2021 թ.
Իրական աշխատավարձերը նվազել են. «Ժողովուրդ»

«Ժողովուրդ» օրաթերթը գրում է․ «2021թ. հունվար-սեպտեմբեր ամիսներին միջին անվանական աշխատավարձերի աճը ցածր է եղել գնաճի տեմպից: Եվ որպեսզի ամեն ինչ հիմնավոր լինի, ներկայացնենք փաստեր: Միջին ամսական անվանական աշխատավարձն ընդհանուր տնտեսությունում հունվար-սեպտեմբեր ամիսներին (հոկտեմբերի ցուցանիշը դեռ չի հրապարկվել), նախորդ տարվա նույն ամիսների համեմատ, աճել է 6.3%-ով՝ կազմելով 198,757.0 դրամ:

Պետական հատվածում միջին աշխատավարձն աճել է 3.6%-ով և կազմել 172,382.0 դրամ: Ինչ վերաբերում է մասնավոր հատվածին, ապա նշենք, որ մասնավոր հատվածում միջին ամսական անվանական աշխատավարձն աճել է 7.3%-ով՝ կազմելով 211,178.0 դրամ: «Ժողովուրդ» օրաթերթը պարզեց, որ նույն ժամանակահատվածում ընդհանուր տնտեսությունում անվանական աշխատավարձի աճի տեմպը ավելի ցածր է եղել, քան գնաճի տեմպը (միջին գնաճը կազմել է 6.7%):

Սա նշանակում է, որ վերջնարդյունքում իրական աշխատավարձերը Հայաստանի հանրապետությունում (գնաճով ճշգրտված աշխատավարձերը) նվազել են շուրջ 0.4%-ով»:

Մանրամասները՝ թերթի համարում։

| | |
3243 | 0
Facebook