«Երեկ, երբ ստորագրում էինք արտահերթ նիստ հրավիրելու պահանջը, ժամը 13:30-ից սկսած երկու խմբակցությունները քննարկումների մեջ են եղել: Որոշում ենք կայացրել արտահերթ նիստ հրավիրել, որի համար անհրաժեշտ է 27 ստորագրություն: Երբ նախաձեռնությունն անում էինք, ազատության մեջ էր «Հայաստան» խմբակցության պատգամավոր Արթուր Սարգսյանը: Ստորագրելուց հետո տեղեկություն ենք ստանում, որ Վերաքննիչը, տխրահռչակ Արմեն Դանիելյանի գլխավորությամբ, որոշել է կալանավորման տանել նրան: Էս իրավիճակում ընդդիմությունը պետք է մասնակցե՞ր էս ապօրինությանը, էս ապօրինի վարքագծի հետ քննարկում անե՞ր»,- ասուլիսի ժամանակ հայտարարեց «Հայաստան» խմբակցության պատգամավոր Արծվիկ Մինասյանը:
Ավելի վաղ հայտնել էինք, որ ընդդիմադիր խմբակցությունները բոյկոտել են ԱԺ նիստը: