Համացանց

ՏՄՊՊՀ նախագահ Գեղամ Գևորգյանը լրագրողների հետ ճեպազրույցում անդրադառնալով սննդամթերքի համատարած թանկացումներին՝ ասել է, որ հանձնաժողովը գնաճի հետ որևէ առնչություն չունի, դա այլ մարմնի գործառույթն է. «Գնի բարձրացումը մեզ կարող է առնչվել երկու դեպքում՝ երբ կա գերիշխող դիրք ունեցող տնտեսվարող սուբյեկտ և եթե կա հակամրցակցային համաձայնություն: Մենք մի շարք շուկաներում ուսումնասիրություն ենք կատարել: Հրապարակել ենք հավկիթի շուկայում չարաշահումները, ուսումնասիրություն ենք իրականացնում բենզինի շուկայում, շաքարավազի շուկայում: Մյուս շուկան, որ նայելու ենք, կարագի շուկան է»,- ասել է պաշտոնյան: