Խնդրում ենք սպասել...

Համացանց

«Մոլորվածներին մեր իսկ ձեռքով դարձրինք գերի, քանի որ հակառակորդին հրապարակային ազդանշան էինք տվել»․ Վիլեն Գաբրիելյան

04:06, շաբաթ, 16 հոկտեմբերի, 2021 թ.
«Մոլորվածներին մեր իսկ ձեռքով դարձրինք գերի, քանի որ հակառակորդին հրապարակային ազդանշան էինք տվել»․ Վիլեն Գաբրիելյան

«Քաղաքացիական պայմանագիր» խմբակցության պատգամավոր Վիլեն Գաբրիելյանը ֆեյսբուքյան իր էջում գրելէ․ «Բարի երեկո։ Եկել եմ բան ասեմ՝ կապված համացանցային աբսուրդի, ապատեղեկատվության շարունակական անվերահսկելի տարածման և մեր անլրջության հետ, քանի որ երեկվա դեպքի հետ կապված սկզբից ինչ ասես՝ լսեցի ու կարդացի: Առարկայական օրինակով ասեմ, որ ավելի մատչելի լինի. կհիշեք, որ մեր մոտից օգոստոսին երկու հոգի գերի ընկան, որոնք սկզբում մոլորվել էին, հետո գերի ընկել, իրենցից մեկն իմ զինակիցներից է: Եթե կհիշեք, սկբից գրեթե մի ամբողջ օր պաշտոնական լուր չկար, որ մոլորվել էին, բայց լրատվականները ու ՖԲ օգտատերերը ցնցում էին՝ պահանջելով պաշտոնական լուր տարածել, երկու-երեք ավել լայքի ու դիտումի համար: Հիմա ինչ եմ ուզում ասել, մենք ա՛յ հենց այդքան անգրագետ, անմիտ, անպատասխանատու, խնդիրներին մատների արանքով նայելով և էմոցիաներից դրդված ենք գործում, քանզի փաստացի իրավիճակին չտիրապետելով, մոռանալով, որ հակառակորդը համացանցը համակարգային վերահսկում է, մարդկանց, որոնք մոլորվել էին հակառակորդի վերահսկողության տակ գտնվող տարածքում և փորձում էին թաքուն դուրս գալ, մեր իսկ ձեռքով դարձրինք գերի, քանի որ հակառակորդին մոլորվելու մասին հրապարակային ազդանշան ենք տվել:
     Հույս ունեմ հասկացաք՝ ինչ եմ ասում: Մի քիչ մտածեք մի բան անելուց առաջ: Վստահ եմ՝ մի օր սովորելու ենք լինել շատ ավելի լուրջ, զգոն ու հավասարակշիռ:
     Այսքանը:
     Շնորհակալություն ուշադրության համար։
     հարգանքով՝
     Նավակ Ճոճողը»

5576 | 1
Facebook