Խնդրում ենք սպասել...
Թելեգրամ

Համացանց

Կորոնավիրուսից մահացել է Ալբերտ Ազարյանի դուստրը

17:50, ուրբաթ, 08 հոկտեմբերի, 2021 թ.
Կորոնավիրուսից մահացել է Ալբերտ Ազարյանի դուստրը

Կորոնավիրուսի հետևանքով մահացել է մարմնամարզիկ, Օլիմպիական խաղերի եռակի, աշխարհի քառակի և Եվրոպայի կրկնակի չեմպիոն Ալբերտ Ազարյանի դուստրը՝ մանկավարժ Ժաննա Ազարյանը։ Այս մասին հայտնում է Նիկոլ Աղբալյանի անվան հ.19 դպրոցը։

«Կյանքից անժամանակ հեռացավ մեր շատ սիրելի ուսուցչուհին՝ Ժաննա Ալբերտի Ազարյան - Սարգսյանը: Նիկոլ Աղբալյանի անվան հ.19 դպրոցը Ժաննա Ալբերտովնան ավելի քան 40 տարի աշխատում էր Նիկոլ Աղբալյանի անվան դպրոցում ՝ որպես ռուսաց լեզվի ուսուցչուհի:
     Կենսախինդ, բանիմաց, աշակերտասեր մեր ուսուցչուհին իր հետաքրքիր ու անմոռաց դասերով սիրելի էր աշակերտների շրջանում: Գործընկերները ևս չեն պատկերացնում իրենց դպրոցական առօրյան առանց սիրելի Ժաննայի:
     Մեր խորին ցավն ենք հայտնում Ժաննա Ալբերտովնայի ընտանիքի անդամներին, հարազատներին, մերձավորներին մեծ կորստի համար: Նա դեռ շատ ասելիք և անելիք ուներ:
     Իր կրթած բազմաթիվ սերունդների և գործընկերների սրտում Ժաննան միշտ կհիշվի որպես լավ ընկեր, լավ մարդ, լավ քաղաքացի և լավագույն ուսուցչուհի:
     Հանգչի՛ր խաղաղությամբ , մե՛ր սիրելի Ժաննա»:

Հիշեցնենք, որ մեկ շաբաթ առաջ կյանքից հեռացել էր Ալբերտ Ազարյանի կինը՝ Ելիզավետա Ազարյանը։

| | |
4930 | 0
Facebook