Իրադարձություններ

«Մեզ հուզող առաջին հարցերից մեկը մեր կարգավիճակի հարցն է, այսինքն՝ տեղահանված ենք, ունենք ՀՀ քաղաքացիության անձնագիր, բայց ՀՀ քաղաքացի չենք համարվում, չգիտենք, թե ովքեր ենք և ինչ կարգավիճակի մեջ ենք գտնվում, ունենք պարտականություններ, բայց ոչ մի իրավունք չունենք»,- այսօր՝ բողոքի ակցիայի ժամանակ, ասաց հադրութեցի տղամարդը։

Հարցին, թե ՀՀ քաղաքացիություն պատերազմից հետո է ստացել, տղամարդը պատասխանեց, որ ավելի վաղ՝ 90-ականներին է ստացել։

«Շուտով ձմեռ ա գալիս, բնակարանային հարցի լուծման ոչ մի տեղաշարժ չկա, վերջին երկու ամիսը սոցիալական վճարներն էլ են դադարեցրել »,- նշեց նա։

Դիտարկմանը, որ նախորդ անգամ Կառավարությունից ասել էին՝ կվերականգնեն սոցիալական վճարները, տղամարդը պատասխանեց՝ երկու ամիս է անցել, չեն վերականգնել։

Հիշեցնենք, որ այսօր Կառավարության շենքի առջև բողոքի ակցիա են իրականացնում Հադրութից տեղահանված բնակիչները։ Նրանք պահանջում են լուծել բնակարանային խնդիրը։