Freedom House միջազգային հետազոտական կազմակերպությունը մտահոգություն է հայտնում ՀՀ վարչապետ Նիկոլ Փաշինյանին մեկնաբանությունում վիրավորած ֆեյսբուքյան օգտատիրոջ դեմ հարուցված քրեական գործի հարուցման առնչությամբ։
Կազմակերպությունը նշում է, որ դա տեղի է ունեցել պետական պաշտոնյաներին «ծանր վիրավորանք» հասցնելը քրեականացնող օրենսդրական փոփոխությունների՝ խորհրդարանի կողմից ընդունվելուց ընդամենը երկու ամիս անց, և «նշանակում է Հայաստանում ժողովրդավարական նորմերի վատթարացում, այդ թվում՝ խոսքի ազատության»։
Միջազգային հետազոտական կազմակերպությունը Հայաստանի իշխանություններին կոչ է անում «անհապաղ դադարեցնել վիրավորանքը քրեականացնող այս հակասահմանադրական օրենսդրության կիրարկումը»։
Հիշեցնենք, որ վիրավորանքը քրեականացնող որոշման ընդունումից հետո հարուցվել է քրեական երկու գործ։