Համացանց

Լրագրող Ոսկան Սարգսյանը ֆեյսբուքյան իր էջում գրում է. «Մեր հազարավոր զոհված տղաները, գերիները, անհետ կորածները, Արցախի տարածքներն էի՞ն խանգարում, որ Հայաստանը խաղաղության դարաշրջան բացի Ադրբեջանի և Թուրքիայի հետ, ինչո՞ւ այդ օրակարգը 2018թ․ մայիսից մինչև 2020թվականի սեպտեմբեր չմտցվեց։ 2020թ․ սեպտեմբերի 27-ին սկսված պատերազմն անխուսափելի չէր, վատ բանակցությունները լավ կռվից ավելի լավ են։ 214 միլիոն դոլարի չափ պարգևավճար բաժանած իշխանությունը մի քանի միլիոն դոլար չճարե՞ց Արցախում գտնվող բանակին զրահաբաճկոններով և սաղավարտներով ապահովելու համար, որ 18-20 տարեկաններին այդպես անպաշտպան ուղարկեց «Բայրաքթարների» տակ։ Բա ո՞ւր էին Հակոբ Արշակյանի ներկայացրած հայկական ԱԹՍ-ները, որոնք այդպես էլ չհայտնվեցին Արցախի երկնքում։ Հազարավոր զոհերի համար պարտավոր էին ոչ թե ԱԺ քննիչ հանձնաժողով ստեղծել, այլ՝ քրեական գործ հարուցել։ 2016-ի ապրիլյան պատերազմի հանգամանքները քննող հանձնաժողովի եզրակացությունը մինչև հիմա՝ 2021թ․ սեպտեմբերի 26-ին հրապարակված չէ։ Լենինն ասել է՝ եթե ուզում են մի գործ ձախողել, հանձնաժողով են ստեղծում»: