Առնվազն 14 մարդ է մահացել Հյուսիսային Մակեդոնիայի Տետովո քաղաքի կորոնավիրուսային հիվանդանոցում բռնկված հրդեհի հետևանքով: Տասնյակ մարդիկ տուժել են` ստանալով տարբեր աստիճանի այրվածքներ։ Այս մասին հայտնել է երկրի առողջապահության նախարար Վենկո Ֆիլիպչեն: Նրա խոսքով, հրդեհն արդեն մարվել է, բժիշկները պայքարում են վիրավորների կյանքի համար: Պատահարից հետո դեպքի վայր է մեկնել երկրի վարչապետ Զորան Զայևը:
Նշվում է, որ զոհերի թվում են հիվանդներ և բուժանձնակազմի անդամներ: Իշխանություններին դեռ չի հաջողվել պարզել հրդեհի պահին հիվանդանոցում գտնվող այցելուների ստույգ թիվը: