Միջազգային

Թուրքիան չի շտապի ճանաչել Աֆղանստանում «Թալիբանի» կառավարությունը, այն պետք է ներառի տարբեր քաղաքական ուժեր: Այս մասին հայտարարել է Թուրքիայի արտգործնախարար Մևլութ Չավուշօղլուն:
     «Կճանաչի՞ արդյոք Թուրքիան «Թալիբանին»: Եկեք հապճեպ որոշումներ չկայացնենք: Պետք է ստեղծել կառավարություն, որը կարող է հաղթահարել ճգնաժամը, կանխել քաղաքացիական պատերազմը: Անհրաժեշտ է ներառական կառավարություն, որում մասնակցություն կունենան բոլոր քաղաքական ուժերն ու բնակչության հատվածները: Եվ որպեսզի ամբողջ աշխարհը ճանաչի «Թալիբան»-ին, անհրաժեշտ է ապահովել նման կառավարության ստեղծումը», - ասել է Չավուշօղլուն NTV հեռուստաալիքի եթերում: Նրա խոսքով՝ «Աֆղանստանի՝ աշխարհին ներկայացված կառավարության անդամների թվում միայն թալիբների ներկայացուցիչներն են»: «Մենք չենք պատրաստվում նրանց համար կառավարություն ձևավորել, բայց մեր գաղափարներն ուղիղ փոխանցում ենք թալիբներին», - հավելել է Չավուշօղլուն: