Սերբիայի իրավապահները, Հայաստանի պահանջով, օրեր առաջ ձերբակալել են ԵԱՀԿ-ում Հյուսիսային Մակեդոնիայի առաքելության ղեկավարի տեղակալ Միլե Միլենկովսկուն, փոխանցում է Alsat-M հեռուստաալիքը: Նշվում է, որ Սերբիայի իշխանությունները գործել են ըստ հայկական կողմի հարցման՝ մի գործի վերաբերյալ, որով անցնում է նաև Միլենկովսկին։
«Ըստ ՀՀ իրավապահ մարմինների, 2018-ին Հյուսիսային Մակեդոնիայի երեք դիվանագետ, Միլենկովսկու գլխավորությամբ, մասնավոր ինքնաթիռով Հայաստանից դուրս են բերել երկրի նախկին իշխանության մի ներկայացուցչի, որը մեղադրվում է խոշոր չափով գումարներ հափշտակելու մեջ»,- հայտնում է լրատվամիջոցը: