Համացանց

Լրագրող Գևորգ Թոսունյանը ֆեյսբուքյան իր էջում գրել է. «Սյունիքում՝ մասնավորապես Գորիս-Կապան միջպետական ճանապարհի Որոտանի հատվածում, ադրբեջանական կողմը որոշ «նորամուծություններ» է արել, որոնք չէի նկատել կամ որոնք չկային 5 ամիս առաջ, երբ կրկին գնացել էի այդ հատվածներ։ Ուրեմն ճանապարհը վերահսկող մի քանի տեսախցիկներ են դրել (միգուցե նախկինում էլ կար, համոզված չեմ), արգելապատնեշների մասին այս օրերին շատ խոսվեց, դրանցից մեկն էլ է երևում կադրում, իսկ դիմացի բարձունքներից մեկում ադրբեջանցիները մի «վիշկա» են տեղադրել, թե ինչի համար է, չգիտեմ, երախտապարտ կլինեմ, եթե հուշեք։ Ճանապարհի երկու կողմում էլ ակտիվ շինարարություններ են իրականացնում։ Ադրբեջանական բեռնատարն ու տրակտորն էլ առանց պետհամարանիշների էին։