Այսօր՝ օգոստոսի 21-ին, Քաբուլում «Թալիբան» շարժման անդամները մոտ 150 հնդիկ են առևանգել: Այս մասին հայտնում է NDTV հեռուստաալիքը՝ վկայակոչելով տեղի լրատվամիջոցներին: «150 մարդ, հիմնականում հնդիկներ, առևանգվել են թալիբների կողմից՝ Քաբուլի օդանավակայանի մոտակայքում»,- ասվում է հաղորդագրությունում:
Նշենք, որ Հնդկաստանի իշխանությունների կամ դեսպանատան կողմից միջադեպի պաշտոնական հաստատում մինչ այս պահը չի եղել: