ՀՀ ԱԳ նախարար Արմեն Գրիգորյանն այսօր Ուրուգվայի իր գործընկեր Ֆրանսիսկո Բուստիժոյի հետ համատեղ ճեպազրույցի ժամանակ հայտարարեց, որ Բուստիժոյի այցը Հայաստան վերահաստատում է հայ-ուրուգվայական ջերմ հարաբերությունները:
«Հայաստանը մեծապես գնահատում է 2020 թվականի աշնանը Արցախի դեմ ադրբեջանաթուրքական ագրեսիայի առնչությամբ Ուրուգվայի սկզբունքային դիրքորոշումը»,- ընդգծել է Գրիգորյանը:
Խոսելով Հայաստանի և Արցախի դեմ ծառացած խնդրներից՝ ՀՀ ԱԳ նախարարն ասաց. «Արցախի ժողովորդի ինքնորոշման և գոյության իրավունքի դեմ սանձազերծված պատերազմի հետևանքները դեռևս չեն հաղթահարվել: Հայաստանն ու Արցախը բախվում են անվտանգային խնդիրների: Դեռևս չեն հայրենադարձվել հայ ռազմագերիները և քաղաքացիական պատանդները: Այս պարագայում մենք շարունակում ենք ապավինել մեր բարեկամ երկրների և, իհարկե, Ուրուգվայի համերաշխության վրա»: