Փաստաբան Ալեքսանդր Կոչուբաևը ֆեյսբուքյան իր էջում գրել է. «Այսօր՝ ժամը 14:00-ից, կշարունակվի թիվ ԵԴ/0083/01/21 քրեական գործով պատանդ, ՀՀ քաղաքաշինության կոմիտեի նախագահ Վահագն Վերմիշյանի դատավարությունը։
Վ. Վերմիշյանը պատանդի կարգավիճակում է շուրջ 600 օր։
Վ. Վերմիշյանի գործով պաշտպանական կողմը փոխել է իր դիրքորոշումը. Վ. Վերմիշյանը քաղբանտարկյալ չէ, այլ դատավարական պատանդ։ Ինչո՞ւ, որովհետև քաղբանտարկյալի նկատմամբ իրականացվում է ֆարս դատավարություն, մինչդեռ Վ. Վերմիշյանի պարագայում դա էլ է բացակայում, ինչի մասին խոսել եմ բազմիցս։
Այսօր պաշտպանական կողմը հերթական անգամ ներկայացնելու է խափանման միջոց կալանավորումը գրավով փոխարինելու միջնորդություն»։