Խնդրում ենք սպասել...

Համացանց

«Սա հերթական թոզփչոցին է, որպեսզի հետո ասեն՝ «դիմեցինք՝ չօգնեցին»․ Գևորգ Գալստյան

21:18, շաբաթ, 31 հուլիսի, 2021 թ.
«Սա հերթական թոզփչոցին է, որպեսզի հետո ասեն՝ «դիմեցինք՝ չօգնեցին»․ Գևորգ Գալստյան

Ազգային ժողովրդավարական բևեռի մամուլի խոսնակ Գևորգ Գալստյանը ֆեյսբուքյան իր էջում գրել է․ «Հայրենակից,
     ՄԱԿ-ի Անվտանգության Խորհուրդ Հայաստանը չի դիմել: Սա հերթական թոզփչոցին է:

Այս` լրիվ այլ գործընթացը, ցանկանում են ներկայացնել որպես ՄԱԿ-ի Անվտանգության Խորհրդին դիմելու գործընթաց, որը, բնականաբար, չի տալու այն արդյունքը, որը պետք է լիներ հիրավի ՀՀ-ի` ՄԱԿ-ի Անվտանգության Խորհրդին դիմելու դեպքում:

Ստորև հոդվածում ներկայացված գործընթացը փորձում են ակտիվորեն ներկայացնել որպես ՄԱԿ-ի Անվտանգության Խորհրդին դիմելու գործընթաց, որպեսզի հետո, պարզ բառերով ասած, ասեն` «դիմեցինք` չօգնեցին, հետևապես` պետք է ոչնչանանք ռուս-թուրքական երախում»:
     Տուրք չտաք նմանատիպ կեղծ հրապարակումներին, ՀՀ-ն դեռևս չի դիմել ՄԱԿ-ի Անվտանգության Խորհուրդ:
     Սակայն, ՄԱԿ-ի Անվտանգության Խորհրդին դիմելը ներկայումս կենսական անհրաժեշտություն է մեզ համար:

Դիմում է պետության իշխանությունը` անհրաժեշտ ընթացակարգով, այլ ոչ ՄԱԿ-ում պետության` ՀՀ-ի ներկայացուցիչը, և ոչ թե Անվտանգության Խորհրդի անդամ պետություններից մեկի ներկայացուցչին, այլ հենց ՄԱԿ-ի ԿՈԼԵԿՏԻՎ Անվտանգության Խորհրդին:
     Հ.Գ.
     Հրապարակումը կիսվելու դեպքում, խնդրում եմ ուշադիր լինել` տեղադրելով գրառումը ևս, որպեսզի չստացվի կեղծ լուր եք տարածում»:

Աղբյուրը` Գևորգ Գալստյան
111066 | 2
Facebook