Երևանի մամուլի ակումբի նախագահ Բորիս Նավասարդյանը ֆեյսբուքյան իր էջում գրել է. «Արդեն թափանցիկ ակնարկներ ենք լսում, որ ՔՊ-ի պատգամավորները կարող են և չընտրել ընդդիմությանը հասնող ԱԺ փոխխոսնակի պաշտոնի համար «Հայաստան» և «Պատիվ ունեմ» դաշինքների միասնական թեկնածուին։ Փաստորեն, ասում են՝ առաջադրեք մեզ համար ընդունելի անձին, եթե ուզում եք, որ քվեարկենք իր օգտին...»:
Հիշեցնենք՝ ՀՅԴ ԳՄ ներկայացուցիչ, «Հայաստան» դաշինքի անդամ Իշխան Սաղաթելյանը նախօրեին հայտնել էր, որ «Հայաստան» և «Պատիվ ունեմ» դաշինքները հանդես կգան ԱԺ ընդդիմադիր փոխնախագահի մեկ միասնական թեկնածուով, որի անունը կհրապարակվի երկուշաբթի:
Ըստ մամուլի՝ այդ պաշտոնում կառաջադրվի Իշխան Սաղաթելյանը: