Իրադարձություններ

«Մեզ մեղադրում են երկու բանի մեջ, որ ցույցեր չեք կազմակերպում, փողոց չեք իջնում, թշնամին մտնում է մեր պետության տարածք, իսկ ընդդիմությունը ոչինչ չի անում: Ստեղ պետք է հասկանանք, որ ընդդիմությունը ո՛չ պետության անունից բանակցություններ վարելու իրավունք ու հնարավորություն ունի, ո՛չ բանակին հրամաններ տալու ու երկրի ինքնապաշտպանությունը կազմակերպելու իրավունք և հնարավորություն: Մենք ունենք խիստ սահմանափակ լիազորություններ, ու քաղաքացիները սա պետք է հասկանան: Մենք անմիջապես արձագանքում ենք խնդիրներին, բարձրաձայնում դրանք, ցույց տալիս այս իշխանության թերացումները, անգործությունը»,- 5-րդ ալիքի եթերում անդրադառնալով սահմանին ստեղծված իրավիճակին ու հանրային քննարկումներին՝ ասել է ՀՅԴ ԳՄ ներկայացուցիչ, «Հայաստան» դաշինքից նորընտիր պատգամավոր Իշխան Սաղաթելյանը՝ հավելելով. «Եթե մենք հասկանանք, որ վաղը փողոց հանենք 10 հազար մարդ, պայմանական թիվ եմ ասում, և թշնամին կդադարի կրակել մեր երկրի վրա, հենց առավոտ կանենք: Բայց արդյոք դա է հարցի լուծումը. հարցի լուծումն այս իշխանության հեռացումն է»: