Խնդրում ենք սպասել...
Թելեգրամ

Համացանց

«Մի՞թե իսպառ կորցրել է մարդկային որակները». Պետրոս Մակեյան

13:34, կիրակի, 18 հուլիսի, 2021 թ.
«Մի՞թե իսպառ կորցրել է մարդկային որակները». Պետրոս Մակեյան

«Ժողովրդավարական հայրենիք» կուսակցության նախագահ Պետրոս Մակեյանը ֆեյսբուքյան իր էջում գրել է. «Երբ կորցնում ես պատասխանատվության ու մեղքի զգացողությունը
     Արցախյան 1-ին պատերազմի տարիներին ես Արթիկի շրջանային խորհրդի գործադիր կոմիտեի նախագահն էի։ Մարդիկ ինձ չէին կարող մեղադրել պատերազմն սկսելու և զոհերի համար, բայց ես՝ որպես տվյալ տարածաշրջանում իշխանության կրող, յուրաքանչյուր զոհվածի տուն մտնելիս ինձ պատասխանատու և մեղավոր էի զգում, անցել է երեք տասնյամյակ, սակայն երբ հանդիպում եմ նրանց ընտանիքի անդամների հետ ունենում եմ նույն զգացողությունը։
     Հիմա ինձ զարմացնում է իշխող «Քաղաքացիական պայմանագրի» և նրան սպասարկողների բացառիկ ցինիկ ու ամբարտավան պահվածքը, որ կարծես, թե իրենք որևէ կապ չունեն երկիրը կործանման հասցնելու համար և ավելի շատ պատասխանատու են մնացած բոլորը։ Իրականում հիմնական պատասխանատուն իրենք են և իրենց առաջնորդը, նրանց համար հունիսի 20-ին քվեարկած «ընտրազանգվածը», որոնք վավերացրին նոյեմբերի 9-ի կապիտուլյացիոն հայտարարությունը, որով զրոյական դարձրին ազգային արժանապատվությունը։
     Ապշած եմ նաև նրանց առաջնորդի պահվածքից, այսչափ արյան, աղետի և ազգային արժանապատվության կորստից հետո, ինչպես է կարողանում իշխանավարել, մի՞թե իսպառ կորցրել է մարդկային որակները»:

Աղբյուրը` Պետրոս Մակեյան
| | |
3680 | 3
Facebook