Առաջին Bayraktar TB2 հարվածային անօդաչու համալիրը տեղափոխվել է Ուկրաինա։ Այս մասին հայտարարել է երկրի պաշտպանության նախարար Անդրեյ Տարանը։
Նրա խոսքով՝ այս պահին տեղակայման վայրում իրականացվում են ընդունման վերջնական փորձարկումները։ Տարանը հայտնել է, որ դրանից հետո անօդաչու թռչող սարքը կփոխանցվի Ուկրաինայի ռազմածովային ուժերին:
Ուկրաինայի պաշտպանության նախարարն ասել է, որ դրա օգնությամբ Կիևը կկարողանա «արդյունավետ հսկողություն իրականացնել Սև և Ազովի ծովերի ափերի ու ջրային տարածքների նկատմամբ»: