«Ամբողջությամբ սխալ ուղղութամբ են ընթանում ՀՀ պետական սահմանների հետ կապված հարցերը. բոլոր հարցերը ներառված են ռազմական ու քաղաքական կոմպոնենտների ներքո և ամբողջությամբ անտեսված են մարդու իրավունքների հարցերը»,- այսօր հրավիրված մամուլի ասուլիսում հայտարարեց ՀՀ մարդու իրավունքների պաշտպան Արման Թաթոյանը՝ հավելելով, որ պետք է ունենալ կազմակերպված քաղաքականություն պետության ներսում:
«Պաշտոնյաներ ունենք, ովքեր իրենց հայտարարություններով պարզապես նվերներ են մատուցում ադրբեջանական իշխանություններին՝ խախտումները ցույց տալու հարցում»,- նշեց նա՝ բերելով օրինակներ:
