Միջազգային

«Պիրվելի» վրացական հեռուստաընկերության օպերատոր Ալեքսանդր Լաշկարավայի դին հայտնաբերվել է սեփական տանը նրա հարազատների կողմից այսօր առավոտյան: Այս շաբաթվա սկզբում ԼԳԲՏ հակառակորդները ծեծել էին նրան Թբիլիսիում ակցիայի ժամանակ, գրում է «Sputnik Վրաստան»-ը:

Ալեքսանդր Լաշկարավայի դին հայտնաբերվել է իր բնակարանում մոր կողմից: Դեպքի վայրում աշխատում են քրեական փորձագետները:
     Հեռուստաընկերության աշխատակիցների տվյալներով՝ ծեծից հետո Լաշկարավան տեղափոխվել էր հիվանդանոց: Մի քանի օր անց նրա վիճակը կայունացել էր և նա դուրս էր գրվել:

Վրաստանի ՆԳՆ-ն սկսել է հեռուստաօպերատորի մահվան հետաքննությունը: Քրեական գործ է հարցուվել «ինքնասպանության հասցնելու» հոդվածով:

Ըստ պաշտոնական հաղորդագրության՝ բերման է ենթարկվել 4 մարդ «բռնության սպառնալիքով լրագրողի մասնագիտական գործունեությանը անօրինական միջամտելու», «մասնագիտական գործունեությունն իրականացնելու կապակցությամբ մարդու հետապնդման», «խմբակային բռնություն կազմակերպելու և դրանում մասնակցելու համար»: