ԱՄՆ նախագահ Ջո Բայդենը հայտարարել է, որ չի հանդուրժի Իրանում միջուկային զենքի առկայությունը: Այդ մասին ԱՄՆ նախագահը հավաստիացրել է Իսրայելի հեռացող նախագահ Ռեուվեն Ռիվլինին՝ Սպիտակ տանը տեղի ունեցած հանդիպման ժամանակ, գրում է Associated Press-ը։
Բայդենն ընդգծել է, որ «Իրանը երբեք միջուկային զենք չի ստանա, քանի դեռ ես պաշտոնավարում եմ»:
ԱՄՆ նախագահը նշել է, որ ավելի վաղ հրաման է տվել ավիահարվածներ հասցնել այն օբյեկտներին, որոնք, ինչպես կարծում են ամերիկացի զինվորականները, օգտագործվել են Իրանի կողմից աջակցվող գրոհայինների կողմից:
Թիրախները գտնվել են Իրաքի և Սիրիայի սահմանին։