Ռուսաստանը, Իրանն ու Չինաստանը նվաստացնում են ԱՄՆ-ին, իսկ ԱՄՆ նախագահ Ջո Բայդենը կործանում է երկիրը։ Նման կարծիք է հայտնել Միացյալ Նահանգների նախկին նախագահ Դոնալդ Թրամփը՝ ելույթ ունենալով Սպիտակ տնից հեռանալուց հետո իր առաջին հանրահավաքում։
Թրամփի պնդմամբ՝ Բայդենի վարչակազմը 5 ամսում «իսկական աղետ» է դարձել։ «Հանցավորությունն ու սպանություններն աճում են, օտարերկրացիները հատում են սահմանը: Ոչ ոք նման բան չի տեսել»,- ասել է նա։