Խնդրում ենք սպասել...
Օդնոկլասնիկի

Միջազգային

«Փաշինյանի կուսակցության հաղթանակը նվազագույն փոփոխություններ կառաջացնի Երևանի և Մոսկվայի հարաբերություններում»․ Կալաշնիկով

14:00, երկուշաբթի, 21 հունիսի, 2021 թ.
«Փաշինյանի կուսակցության հաղթանակը նվազագույն փոփոխություններ կառաջացնի Երևանի և Մոսկվայի հարաբերություններում»․ Կալաշնիկով

Խորհրդարանական արտահերթ ընտրություններում ՀՀ վարչապետի պաշտոնակատար Նիկոլ Փաշինյանի՝ «Քաղաքացիական պայմանագիր» կուսակցության հաղթանակը նվազագույն փոփոխություններ կառաջացնի Երևանի և Մոսկվայի հարաբերություններում: Այս մասին Интерфакс-ին հայտնել է ՌԴ Պետդումայի ԱՊՀ գործերով, եվրասիական ինտեգրման և հայրենակիցների հետ կապերի կոմիտեի նախագահ Լեոնիդ Կալաշնիկովը։

«Փաշինյանի կուսակցության հաղթանակը՝ Հայաստանի հետ մեր հարաբերությունների վրա կազդի նվազագույն չափով, քանի որ այդ հարաբերություններն արդեն փորձված և ամրագրված են Լեռնային Ղարաբաղում հակամարտության կարգավորման եռակողմ համաձայնագրով»,- ասել է Կալաշնիկովը:

Կալաշնիկովը կարծում է, որ «եթե խորհրդարանում մեծամասնություն կազմեր Քոչարյանի դաշինքը, դա լրացուցիչ տուրբուլենտություն կստեղծեր՝ չնայած, որ նա մեր հին, նոր գործընկերն է»:

«Դա բոլորն էլ հասկանում էին։ Այնպես որ, կարծում եմ, որ, հավանաբար, Մոսկվան կճանաչի այս ընտրությունները»,-նշել է հանձնաժողովի ղեկավարը:

| | |
3274 | 5
Facebook