Խնդրում ենք սպասել...
Վկոնտակտե

Միջազգային

Ադրբեջանը միջազգային հետախուզում է հայտարարել նաև Սամվել Կարապետյանի և Դավիթ Գալստյանի նկատմամբ

12:00, ուրբաթ, 18 հունիսի, 2021 թ.
Ադրբեջանը միջազգային հետախուզում է հայտարարել նաև Սամվել Կարապետյանի և Դավիթ Գալստյանի նկատմամբ

Ադրբեջանը միջազգային հետախուզում է հայտարարել Ռուսաստանի հայերի միության նախագահ, գործարար Արա Աբրահամյանի, ինչպես նաև «Տաշիր» ընկերությունների խմբի նախագահ Սամվել Կարապետյանի և Royalsys Engineering ընկերության ղեկավար Դավիթ Գալստյանի նկատմամբ, ասվում է այդ երկրի գլխավոր դատախազությունը հայտարարության մեջ:
     Նշվում է, որ «Սամվել Կարապետյանը, Դավիթ Գալստյանը, Արա Աբրահամյանը և այլք, Հայաստանի Հանրապետության զինված ուժերին զենք, զինամթերք, պայթուցիկ նյութեր ու ռազմական տեխնիկա մատակարարելու նպատակով, խախտելով միջազգային բեռնափոխադրումների մասին մաքսային կոնվենցիայի և Եվրոպայում սպառազինությունների սահմանափակման մասին պայմանագրի պահանջները, կազմակերպել են մաքսանենգություն օդային ճանապարհով»։
     Ադրբեջանի գլխավոր դատախազությունը նշում է նաև, որ «2001-2021 թվականների ընթացքում նշված անձինք խոշոր տրամաչափի մարտական զենք, զինամթերք, պայթուցիկ նյութեր և սարքեր են ուղարկել Հայաստան և այնտեղից Լեռնային Ղարաբաղ»:
     «Նրանց նկատմամբ որպես խափանման միջոց է ընտրվել կալանավորումը, հայտարարվել է միջազգային հետախուզում»,- ասված է հայտարարության մեջ:

| | |
4427 | 2
Facebook