«Այսօր Դուք շատ հանդարտ ներկայացնում եք Ձեր դիրքորոշումը։ Ես կարծում եմ, որ այդպիսի հանդարտ կեցվածք եթե ունենայիք, երբ որ խոսում եք Ձեր քաղաքական հակառակորդների հետ, միգուցե կարելի էր հասկանալ, որ լինելու է Ձեր ասած քաղաքական համերաշխությունը։ Բայց մենք այսօր կանգնած ենք մեկ այլ փաստի առաջ՝ Դուք արդեն 4 օր, 21-ից սկսած, վերցրել եք Հանրապետության Հրապարակը հանրահավաքներ կազմակերպելու համար։ Ինչի՞ն եք պատրաստվում»,- նախընտրական բանավեճի ժամանակ՝ դիմելով ՔՊ առաջնորդ, ՀՀ վարչապետի պաշտոնակատար Նիկոլ Փաշինյանին, ասաց «Դեմոկրատական» կուսակցության նախագահ Արամ Սարգսյանը։