ԱՄՆ նախկին նախագահ Դոնալդ Թրամփը հայտարարել է, որ Վաշինգթոնը Ռուսաստանի և ԱՄՆ-ի նախագահներ Վլադիմիր Պուտինի և Ջո Բայդենի հանդիպումից ոչինչ չի ստացել, իսկ Մոսկվայի համար հանդիպումը լավ է անցել:
«Բեմ ենք տրամադրել Ռուսաստանին և փոխարենը ոչինչ չենք ստացել»,- ասել է նա՝ Fox News-ին տված հարցազրույցում:
Թրամփը հավելել է, որ ԱՄՆ-ը չի կարողացել կանգնեցնել «Հյուսիսային հոսք-2»-ը, ինչը կարևոր էր անել:
Նախկին նախագահի կարծիքով՝ գագաթնաժողովից շահել է Ռուսաստանը։ «Ես կարծում եմ, որ դա լավ օր էր Ռուսաստանի համար»:
Թրամփը նաև հայտարարել է, որ ռուս-ամերիկյան հարաբերությունները կարող էին «անհավանական» լինել։
«Նրանց տնտեսություն է պետք, իսկ մեզ պետք են բաներ, որոնք նրանք ունեն։ Նրանք շատ արժեքավոր երկիր են հանքային ռեսուրսների տեսանկյունից»,- նշել է նա։