Հանրային հետուստաընկերության եթերում ընթացող հանրային քննարկման ժամանակ բանավեճը դեռ չսկսված՝ լարված իրավիճակ ստեղծվեց տաղավարում:
Քննարկումը վարող Պետրոս Ղազարյանն առաջին խոսքի իրավունքը տվեց ՀՀ Էկոնոմիկայի նախարարի պաշտոնակատար Վահան Քերոբյանին: Մինչ վերջինը կսկսեր խոսել, Ղազարյանը նկատեց. «Պարոն Բագրատյանն արդեն ջղայնանում ա»:
Քերոբյանն առաջարկեց առաջին խոսքը փոխանցել «Ազատություն» կուսակցության ղեկավար, ՀՀ նախկին վարչապետ Հրանտ Բագրատյանին:
«Կուզե՞ք ձեզնից սկսենք, պարոն Բագրատյան. իշխանությունն ուզում ա զիջի ընդդիմությանը»,- հարցրեց Պետրոս Ղազարյանը, ինչին Բագրատյանն արձագանքեց. «Չէ՛, բայց ինչի՞: Ախպե՛ր ջան, իշխանությունը թող ամսի 20-ին զիջի ընդդիմությանը. իրանք էլ պրծնեն, մենք էլ պրծնենք»: