Խնդրում ենք սպասել...
Այսօր`  երկուշաբթի, 14 հունիսի, 2021 թ.

Միջազգային

Մատնահարդարումից դժգոհ հաճախորդը կրակել ու ծանր վիրավորել է սրահի սեփականատիրոջը

00:35, չորեքշաբթի, 09 հունիսի, 2021 թ.
Մատնահարդարումից դժգոհ հաճախորդը կրակել ու ծանր վիրավորել է սրահի սեփականատիրոջը

ԱՄՆ Թեքսաս նահանգում 21-ամյա մի կին կրակ է բացել մատնահարդարման սրահում այն պատճառով, որ իրեն չի գոհացրել մատնահարդարման և ոտնահարդարման արժեքը: Կրակոցների հետևանքով վիրավորվել է հաստատության սեփականատերը։ Այս մասին հայտնում է NBC News-ը։
     Հարիս շրջանի ոստիկանի խոսքով՝ Ջոանա Վարա անունով կինն ու նրա քույրը Katy Nails սրահում մատնահարդարում և ոտնահարդարում են արել, որից հետո սկսել են վիճել սրահի սեփականատիրոջ հետ՝ ծառայությունների արժեքի պատճառով:
     Ոստիկանության տվյալներով՝ Վարան որոշ ժամանակով թողել է վիճող քրոջը, իսկ հետո վերադարձել։ Սրահի տերը փորձել է դուրս հանել նրան, ինչից հետո Վարան ատրճանակից կրակ է բացել նրա վրա։ 2 կանայք փախել են։
     Դեպքի վայր ժամանած իրավապահները հայտնաբերել են հաստատության 42-ամյա սեփականատիրոջը՝ ծանր վիրավորված։ Նրան տեղափոխել են հիվանդանոց։
     Մեղադրանք է առաջադրվել, հանցագործը տեղափոխվել է Հարիս շրջանի բանտ։ Դատարանը Ջոանա Վարային 75 հազար դոլարի չափով տուգանք է պարտավորեցրել։ Նրա քրոջն սկզբում ձերբակալել են պատասխանատվությունից խուսափելու համար, սակայն հետո ազատ են արձակել։

| | |
12161 | 0
Facebook