Սպիտակ ռասայի գերակայության գաղափարի կողմնակիցներն, այլ ոչ թե «Իսլամական պետություն» ահաբեկչական խմբավորումը և «Ալ Քաիդա»-ն են ահաբեկչական ամենամեծ սպառնալիքն ԱՄՆ-ի համար: Այդ մասին հայտարարել է ԱՄՆ-ի նախագահ Ջո Բայդենը՝ ելույթ ունենալով Թալսա քաղաքում (Օքլահոմա նահանգ):
«ԱՄՆ հետախուզական համայնքի տվյալներով՝ սպիտակ ռասայի գերակայության շարժման ահաբեկչական գործունեությունն այսօր ամենամահացու սպառնալիքն է հայրենիքի համար։ Ոչ «ԻՊ»-ը, ոչ «Ալ Քաիդան», այլ՝ սպիտակ ռասայի գերակայության շարժումը»,-ընդգծել է Սպիտակ տան ղեկավարը։
«Ատելությունը երբեք չի հաղթի։ Մենք կարող ենք և պետք է ատելությանը ապաստան չտանք»,- նշել է Բայդենը։