Բայդենի վարչակազմն առաջարկում է ավելի քան 24 մլն դոլարի չափով հետպատերազմյան օգնություն տրամադրել Հայաստանին: Ինչպես հայտնում է Ամերիկայի Հայ դատի հանձնախումբը, ԱՄՆ նախագահի բյուջեում նշված չէ Արցախի Հանրապետության մասին։
ԱՄՆ սենատորների և ներկայացուցիչների երկկուսակցական կոալիցիան մի քանի անգամ վարչակազմին կոչ է արել առնվազն 100 մլն դոլարի օգնություն տրամադրել Հայաստանին և Արցախին:
«Հայաստանի համար նախատեսված բյուջեի չափը Հայաստանում և Արցախում հումանիտար ճգնաժամի պայմաններում շատ հեռու է այն հիմնական կարիքներից, որոնց բախվում են տասնյակ հազարավոր հայեր, որոնք տեղահանվել են Բաքվի կողմից իրականացված էթնիկ զտման հետևանքով»,- ասել է Ամերիկայի Հայ դատի հանձնախմբի գործադիր տնօրեն Արամ Համբարյանը։