Բելառուսի նախագահ Ալեքսանդր Լուկաշենկոն՝ մեկնաբանելով Սոչիում ռուս գործընկեր Վլադիմիր Պուտինի հետ կայանալիք բանակցությունների օրակարգը, հայտարարել է, որ հիմնականում տնտեսությանը վերաբերող հարցեր կքննարկվեն:
«Կոնկրետ հարցեր չեմ նշի, բայց հիմնականում տնտեսությունն է քննարկվելու»,- Լուկաշենկոյի խոսքը մեջբերել է Բելառուսի նախագահի պաշտոնական կայքը։
Բելառուսի նախագահը նշել է, որ մյուս ուղղություններով ինքը Մինսկի և Մոսկվայի միջև որևէ խնդիր չի տեսնում:
«Ռազմաքաղաքական և այլ հարցերի շուրջ մենք վաղուց ենք պայմանավորվել»,- ասել է նա:
Ավելի վաղ Ռուսաստանի նախագահի մամուլի քարտուղար Դմիտրի Պեսկովը հայտարարել էր, որ Պուտին-Լուկաշենկո հանդիպումը տեղի կունենա ուրբաթ օրը՝ Սոչիում, արդյունքների վերաբերյալ հայտարարություններ չեն նախատեսվում: