Խնդրում ենք սպասել...

Իրադարձություններ

Հրապարակվել է Հայաստանին պարտադրվող ևս մեկ ենթադրյալ եռակողմ փաստաթուղթ․ «ուղղվել է» (հերքվել է)

00:50, ուրբաթ, 21 մայիսի, 2021 թ.
Հրապարակվել է Հայաստանին պարտադրվող ևս մեկ ենթադրյալ եռակողմ փաստաթուղթ․ «ուղղվել է» (հերքվել է)

Տեքստի սկզբնական տարբերակը պարունակում էր սխալ տեղեկություն։ Այն ուսումնասիրվել և հերքվել է FactCheck-ի կողմից։

«Без Масок ЧИВ»-ը ներկայանում է որպես Տելեգրամում Ադրբեջանի «սահմանները պահպանող» ալիք։ Ալիքը արտահայտված հակահայկական բովանդակություն ունի, գրառումները պարունակում են վիրավորական արտահայտություններ հայերի նկատմամբ։
     Մայիսի 21-ին այս ալիքի հրապարակած կեղծ փաստաթուղթը նմանակում էր նախորդ օրը համացանցում հայտնված իրական եռակողմ պայմանագրի առաջարկը։ Իրական պայմանագիրը մամուլում հայտնվել էր արտահոսքի շնորհիվ և մեծ աղմուկ առաջացրել։ Հայաստանի կառավարությունը դրա հայտնվելուց քիչ անց հաստատեց դրա իսկությունը։

Տելեգրամ-ալիքի տարածած կեղծ փաստաթուղթը այս իրական արտահոսած պայմանգրի նմանությամբ էր կազմված, իսկ որոշ նախադասություններ նույնությամբ կրկնում էին իրական փաստաթղթի տեքստը։ Այս կոնտեքստը նպաստեց, որպեսզի կեղծ փաստաթուղթին առավել շատ օգտատերեր հավատան։

Կեղծ փաստաթուղթը, սակայն, պարունակում էր մի շարք կետադրական և ուղղագրական սխալներ։ Ավելին՝ դրա տեքստը արտահայտված պրո-ադրբեջանական ուղղվածություն ուներ, պահանջում էր սահմանազատման և ԼՂ հակամարտության հետ կապ չունեցող գործողություններ հայկական կողմից։
     Mamul.am-ում փաստաթուղթը հայտնվել էր Արթուր Արամյան անունով ֆեյսբուքյան օգտատերի գրառումից։
     Արթուր Արամյանը ծայրահեղ աջ «Կամք» շարժման մասնակից է։ 2019 թվականին նա ակտիվորեն քննադատում էր ԱԺ կողմից կանանց նկատմամբ բռնության և ընտանեկան բռնության դեմ ուղղված Ստամբուլյան կոնվենցիայի վավերացումը։

Համացանցում հրապարակվել է Հայաստանին պարտադրվող ևս մեկ եռակողմ (Հայաստան, Ադրբեջան, Ռուսաստան) փաստաթղթի պատճե: Ըստ այդ փաստաղթի պահանջի, Հայաստանը պետք է Ադրբեջանին փոխանցի բոլոր այն մարդկանց տվյալները, որոնց նկատմամբ Ադրբեջանում քրեական գործեր են հարուցվել: Հայաստանում ներդրում անել ցանկացող բոլոր ադրբեջանցիները պետք է ազատվեն հարկերից, մինչև 2021 թվականի սեպտեմբերի 31-ը հայկական կողմը պարտավորվում է լուծարել զինված ուժերը՝ բոլոր կոնտինգենտներով:

Հրապարակվել է Հայաստանին պարտադրվող ևս մեկ ենթադրյալ եռակողմ փաստաթուղթ (հերքված)
Հրապարակվել է Հայաստանին պարտադրվող ևս մեկ ենթադրյալ եռակողմ փաստաթուղթ (հերքված)
Հրապարակվել է Հայաստանին պարտադրվող ևս մեկ ենթադրյալ եռակողմ փաստաթուղթ (հերքված)
Հրապարակվել է Հայաստանին պարտադրվող ևս մեկ ենթադրյալ եռակողմ փաստաթուղթ (հերքված)

Փաստաթղթի լուսանկարներն աղմուկ են բարձրացրել համացանցում:

22573 | 0
Facebook