Գազայի հատվածը վերահսկող ՀԱՄԱՍ շարժման և Իսրայելի իշխանությունների միջև հրադադարի ռեժիմը կարող է ուժի մեջ մտնել ուրբաթ` մայիսի 21-ին։ Այս մասին հայտնել է The Wall Street Journal թերթը՝ վկայակոչելով ամերիկյան և օտարերկրյա աղբյուրները։
Նրանց տեղեկության համաձայն՝ Եգիպտոսի իշխանություններն առաջընթաց են արձանագրել ՀԱՄԱՍ-ի հետ բանակցություններում։ Միևնույն ժամանակ պարբերականի աղբյուրները նշում են, որ Իսրայելի ռազմական ղեկավարության ներկայացուցիչները մասնավոր զրույցներում խոստովանել են, որ հրեական պետության իշխանությունները «մոտենում են իրենց նպատակներին հասնելուն»:
Ավելի վաղ ՖԱԹՀ շարժման կենտրոնական կոմիտեի գործադիր քարտուղար Ջիբրիլ Ռաջուբը հայտնել էր, որ ՀԱՄԱՍ շարժման և Իսրայելի իշխանությունների միջև հրադադարի մասին համաձայնությունը կարող է ձեռք բերվել 24 ժամվա ընթացքում: Իր հերթին Axios պորտալը՝ հղում անելով իսրայելական կառավարությունում աղբյուրներին, հաղորդել է, որ պաղեստինցի ծայրահեղականների դեմ ռազմական գործողությունն ավարտելու համար Իսրայելից ևս մի քանի օր կպահանջվի: