Ռուսաստանի նախագահ Վլադիմիր Պուտինն Ադրբեջանի նախագահ Իլհամ Ալիևի հետ հեռախոսազրույցի ընթացքում քննարկել է Լեռնային Ղարաբաղի խնդիրը: Պուտինը շեշտը դրել է տարածաշրջանում անվտանգության ապահովման վրա՝ «2020 թվականի նոյեմբերի 9-ի և 2021 թվականի հունվարի 11-ի եռակողմ հայտարարությունների տառին և ոգուն համապատասխան»:
Կողմերն անդրադարձ են կատարվել վերջերս հայ-ադրբեջանական սահմանին տեղի ունեցած միջադեպին։
«Ընդհանուր տրամադրվածություն կա, որ կարգավորումը իրականացվի բացառապես քաղաքական-դիվանագիտական մեթոդներով։ Ռուսական կողմը կշարունակի միջնորդական ջանքերն ու խորհրդատվական աջակցության ցուցաբերումը, որն ուղղված է Հայաստանի և Ադրբեջանի միջև պետական սահմանի սահմանազատման գործընթացի մեկնարկի մասին պայմանավորվածության ձեռքբերմանը»,- ասված է հաղորդագրության մեջ: