«Կանադս» երաժշտության կենտրոնի հիմնադիր և գործադիր տնօրեն Նիկա Բաբայանը ֆեյսբուքյան իր էջում գրել է. «Կատակներն ավարտվեցին, փրկո՛ւմ ենք երկիրը
Բավական է գնալ Ռուսաստանի հետևից․ բավակա՛ն է։
Անհրաժեշտ է անհապաղ դիմել ՄԱԿ-ի ԱԽ, հայտարարել հարևանի ագրեսիայի մասին։
Միաժամանակ, ռազմական աջակցության համար պետք է դիմել Ֆրանսիային և ԱՄՆ-ին։
Չի կարելի հետաձգել այդ հրատապ քայլերը, ժամանակն աշխատում է թշնամիների օգտին։
Ի դեպ, թշնամիների մասին. թիվ 1 թշնամուն՝ ՀՀ գլխավոր դատախազությանն ու ԱԱԾ-ին գոնե հիմա, պարզապես պարտավոր են մեկուսացնել՝ մի շարք հարցեր պարզելու համար, որոնք կարելի է որակել որպես երկրի դեմ ուղղված հանցագործություններ և լուրջ հետաքննություն նշանակել։
Հայաստանի Հանրապետության անունից ստորագրության իրավունքը հետաքննության ժամանակահատվածում պետք է ժամանակավորապես փոխանցվի Հայաստանի փրկության համար ստեղծված ժամանակավոր հանձնախմբի ղեկավարին: Այն կարող է ստեղծվել այսօր ԱԺ նիստում՝ ներգրավելով նախկին 3 նախագահներին, գործող նախագահին, հանրությանը։
Ցանկալի է, որ հանձնախումբը գլխավորի Արման Թաթոյանը, ով պետծառայության ժամանակ իրեն արդարացրած միակ մարդն է։
Կատակներն ավարտվեցին, փրկո՛ւմ ենք երկիրը»։