Ադրբեջանի իշխանությունները մտադիր են Արցախի մարտերից հետո Բաքվի վերահսկողության տակ անցած տարածքներում մինչև մայիսի վերջը ևս 6 զորամաս ձևավորել:
Այս մասին հայտարարել է Ադրբեջանի պետական սահմանապահ ծառայության ղեկավար, գեներալ-գնդապետ Էլչին Գուլիևը: Հայտնում է ռուսական «ՏԱՍՍ» լրատվական գործակալությունը:
Լրատվամիջոցի փոխանցմամբ՝ Գուլիևը հայտնել է նաև, որ պատերազմից հետո Բաքվի վերահսկողության տակ անցած տարածքներում վերջին երկու ամիսների ընթացքում արդեն 10 նոր զորամասեր են բացվել: