Խնդրում ենք սպասել...

Իրադարձություններ

«Դիանա Գալոյանը թաքցնում է բուհի աշխատավարձերը». ՀՊՏՀ ուսանողներ

15:28, ուրբաթ, 30 ապրիլի, 2021 թ.
«Դիանա Գալոյանը թաքցնում է բուհի աշխատավարձերը». ՀՊՏՀ ուսանողներ

ՀՊՏՀ ուսանողները հայտարարություն են տարածել. «Նոր խայտառակություն ՀՊՏՀ-ից. Դիանա Գալոյանը թաքցնում է բուհի աշխատավարձերը

Այնքան ապօրինություն, որ վերջին 2 տարվա ընթացքում կատարվել է Տնտեսագիտական համալսարանում, թերևս չի կատարվել երբևէ որևէ պետական հաստատությունում: Սակայն, այս մեկն աչքի է ընկնում իր հատուկ ցինիկությամբ և շարունակվող անպատժելիության հետևանք է:

Քանի որ հայտնի է, որ ՀՊՏՀ-ում արհեստական հաստիքներ են բացվել՝ ուռճացված աշխատավարձերով, որոնք տրվել են հեռացված փոխնախարար Գրիշա Թամրազյանի մտերիմներին, պաշտոնական հարցում ենք ուղարկել՝ խնդրելով տրամադրել «ՀՊՏՀ» պետական ոչ առևտրային կազմակերպության հաստիքների վարձատրության դրույքաչափերը:

Դիանա Գալոյանը, երկար մտածելուց և օրենքով սահմանված ժամկետները խախտելուց հետո, ի վերջո հրաժարվեց տրամադրել հայցվող տեղեկատվությունը՝ հորինելով, թե դա «խախտում է մարդու անձնական և ընտանեկան կյանքի գաղտնիությունը»:

Հիշեցնենք, որ ամբողջ պետական կառավարման համակարգում բոլոր հաստիքների դրույքաչափերը հստակեցված են «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» ՀՀ օրենքով: Փաստորեն, Դիանա Գալոյանի «հանճարեղ» տրամաբանությամբ այդ օրենքը խախտում է մարդկանց անձնական ու ընտանեկան կյանքի գաղտնիությունը և հակասահմանադրական է:

Այժմ դիմել ենք ԿԳՄՍ նախարարությանը, որպեսզի Դիանա Գալոյանին պարտադրի կատարել օրենքի պահանջը, տրամադրել դրույքաչափերը և պատասխանատվության ենթարկի օրենքի պարտադիր պահանջը դիտավորյալ չկատարելու համար»:

| | |
1704 | 0
Facebook