Ապրիլի 29-ին մի քանի հազար մարդ մասնակցել է Չեխիայի նախագահ Միլոշ Զեմանի դեմ բողոքի ակցիային:
Ցուցարարները հավաքվել են կենտրոնական Վացլավսկե հրապարակում:
Ակցիայի մասնակիցները Զեմանին մեղադրում են պետական դավաճանության մեջ և պահանջում, որ խորհրդարանը համապատասխան մեղադրանք առաջադրի նրան: Այսկերպ ցուցարարներն արձագանքել են նախագահի այն հայտարարություններին, որ 2014 թվականին Վրբետիցայում ռազմամթերքի պահեստում տեղի ունեցած պայթյունին «ռուսական գործակալների» մասնակցության մասին տվյալներ չկան:
Նախագահի դեմ բողոքի ակցիաներ են տեղի ունեցել նաև Չեխիայի այլ քաղաքներում: