Միջազգային

ԱՄՆ-ի նախագահ Ջո Բայդենը չի փորձել մեղքը գցել Թուրքիայի վրա, երբ խոսել է Օսմանյան կայսրությունում հայերի ցեղասպանության մասին: Այս մասին հինգշաբթի օրը արտասահմանյան լրագրողների հետ առցացն հանդիպման ժամանակ ասել է ԱՄՆ պետքարտուղար Էնթոնի Բլինքենը: «Ինչպես նշել է նախագահը, ոգեկոչման ձգտումը նպատակ ունի հարգելու (զոհերի) հիշատակը, այլ ոչ թե մեղադրելու: Եվ իհարկե, մեր ուշադրության կենտրոնում են գտնվել Օսմանյան կայսրության մայրամուտին կատարված իրադարձություները»,- ասել է Բլինքենը:

Ըստ նրա, Բայդենը շարադրել է իր՝ վաղուց ձևավորված հայացքները, երբ նրա անունից Սպիտակ տունը նախորդ հանգստյան օրերին տարածել է գրավոր հայտարարություն, որում ԱՄՆ-ի ներկա առաջնորդը ճանաչել է հայերի ցեղասպանությունը 20-րդ դարի սկզբին Օսմանյան կայսրությունում: «Հարկ է, սակայն, նշել, որ (ապրիլի 23-ին) նախագահը դրական (հեռախոսա)զրույց է ունեցել նախագահ Էրդողանի հետ: Գիտեմ, որ նրանք անհամբեր սպասում են հանդիպման հնարավորության: Կան բազմաթիվ հարցեր ու ոլորտներ, որոնց ուղղությամբ մենք սերտ համագործակցում ենք: Թուրքիան հանդիսանում է Նահանգների ծայրահեղ կարևոր դաշնակիցը ՆԱՏՕ-ում: Մենք գործում ենք ինչպես դաշնակիցներ բազմաթիվ ընդհանուր տարածաշրջանային ու գլոբալ հարցերում»,- նշել է Բլինքենը:

«Մենք կշարունակենք հաստատել կայուն երկկողմանի հարաբերություններ, որոնք կներառեն համագործակցության լայն ոլորտներ, որոնցում այժմ տարաձայնություններ ունենք: Եվ, ինչպես երկրների մեծամասնության, մեր միջև էլ որոշ անհամաձայնություններ կան»,- շեշտել է պետքարտուղարը: