Խնդրում ենք սպասել...

Հարցազրույցներ

Արմեն Գրիգորյանը հայտնել է՝ որ դեպքում է հնարավոր Ադրբեջանի հետ խաղաղության համաձայնագրի կնքումը

17:00, ուրբաթ, 23 ապրիլի, 2021 թ.
Արմեն Գրիգորյանը հայտնել է՝ որ դեպքում է հնարավոր Ադրբեջանի հետ խաղաղության համաձայնագրի կնքումը

ՀՀ ԱԽ քարտուղար Արմեն Գրիգորյանն այսօր՝ «РИА Новости»-ին տված հարցազրույցում հայտնել է, որ Ադրբեջանի հետ խաղաղ կարգավորման մասին մտածելը դեռևս վաղ է: Հարցին, թե տեսանելի ապագայում Հայաստանը կարո՞ղ է խաղաղության պայմանագիր կնքել Ադրբեջանի հետ, և ի՞նչ պայմաններով է Երևանը պատրաստ դա անել, Գրիգորյանը պատասխանել է. «Այդ մասին խոսելուց առաջ անհրաժեշտ է նշել մի պարզ փաստ. Ղարաբաղյան հակամարտությունը վերջնական լուծում չի ստացել: Այս հակամարտությունը չի կարող լուծվել բռնի ուժով կամ ուժի սպառնալիքով: 2020-ի սեպտեմբերին դիմելով ռազմական ագրեսիայի՝ Ադրբեջանի ղեկավարությունը խախտեց հակամարտության խաղաղ կարգավորման հիմքում ընկած երեք հիմնական սկզբունքներից մեկը՝ ուժի կամ ուժի սպառնալիքի չկիրառման սկզբունքը...: Ալիևը ոչ միայն հերքում է հակամարտության լուծում չստանալու օբյեկտիվ փաստը, այլև բոլոր միջոցներով փորձում է սրել երկու ժողովուրդների թշնամանքը: Օրինակ, երբ նա բացում է, այսպես կոչված, «ռազմավարի պուրակը», զառանցական հայտարարություններ անում Զանգեզուրի մասին, ոչնչացնում հայկական հոգևոր և մշակութային ժառանգությունը, պղծում է ոչ միայն Արցախյան առաջին պատերազմի զինվորների գերեզմանները, այլև՝ Հայրենական մեծ պատերազմի հերոսների հուշարձանները. ինչպե՞ս կարելի է մտածել խաղաղության պայմանագրի մասին: Երբ Ադրբեջանը ողջամիտ մոտեցում ցուցաբերի, ձեռնարկի բանական քայլեր և պատրաստ լինի կառուցողական երկխոսության, այդ ժամանակ հնարավոր կլինի մտածել խաղաղության համաձայնագրի մասին»:

| | |
3470 | 0
Facebook
COMMENT.am